في موقف الثورة، إن كنت تخضع للقانون الفاشل الظالم، فأنت لا تغيّر. فالثورة انتقاض على كل ظلم، مهما كان الظلم مسلحاً ومحمياً

الأستاذ محمود محمد طه - محاضرة “الاستقلال وقضايا الشعب”

menu search

إنشاد القصائد الشعراء المنشدون مقدمون

القصائد العرفانية

واشوقي لولاد أمي

على لطفى عبد الله

واشوقي لولاد أميّ * قالها النبي الأمي * واشوقنا ليهو كمان

بسم الله قت بي فميّ * قوي لي حاسة شميّ * أشم بها العدنان
تكلت عليك هميّ * تفسح تزيل لي غميّ * ياربي يا منّان

شمّر سابقلو ملم * متل المنصوبلو علم * وصفو كدي الصحبان
العافي الناس وحلم * واسع لغيظه كظم * دا الخلقه القرآن

نحن الأغراب أخوانو * اشتاقنا جم صحبانو * بي ذكروا للاخوان
معاهو نعيش بأمانو * نحي السّنة وقرآنو * تغبطنا علي النبيان

ليهو وقتا عند ربّو * ولا جبريل بي قربو * اتحمل ليهو كان
ولا نبي مرسلبو * دي ولايتو الماهل شربو * اسقيني انا عطشان

دا الشرع في أقوالو * والسنة دي أعمالو * نبيا عظيم الشان
شوفو الحقيقة حالو * أريت حالي أحوالو * البس دوام طربان

نبيا أصيلة صلاتو * المحي حالك ليلاتو * متوجه للرحمن
كان حزبو بي سلحاتو * أمرا اياها نجاتو * تفج منه الدركان

متوكل بي بصيرة * طاهر السر والسريرة * كفاف رزقو وقنعان
منفق ماليهو دخيرة * كانز الله ايا الدّخيرة * بيقينو والعرفان

دا الغانه انوار * سبعين مرة استغفارو * في الضي والليل حلكان
ماهو غان أغيار * نورا خاطف ابصارو * سيرا للذات بأمان

ود لطفي جابا هدية * طمعان قصدي الفردية * أصلو واكون رضيان
ومرضي والمهدية * واخواتي غير عددية * ياربي والاخوان

صلاتي ربيّ الكالا * يصلك يا أحمد فالا * تنمو بالكمان
أبوي سيد الأصالة * بي غيك وعلمو نالا * جنبك عند الانسان