أرحكا معاي .. عبـيت سفراً
للصافي تمام .. روحو وقلباً
ــ ــ ــ
بديـت بالله .. بجيب لي طن
يغسل قلبي .. يزيل لي دجن
يحتـحت صقراً .. كـلــو إحـن
يكن في روحي .. التقوي كن
ــ ــ ــ
بثني غـناي .. بـزيد فـــرحاً
بي سيد حراء .. الفيهو ركن
شــهد ربو .. تـوكيد مو ظن
ليهو يقودنا .. بي عرفة وفن
ــ ــ ــ
دا الأســــتاذ .. ســوالو مكن
حرت صي .. الضلال والظن
مســح غــبش القلـوب ودهن
عسل التقوي مشنون له شن
ــ ــ ــ
دخلو مهامِه .. شـاف هُبـَكن
ورد في بحور لي غيرو قسن
نضـيف لبـو .. عفيف قولاً
محمود إسمو .. فارس دركاً
ــ ــ ــ
أبـو محمـد .. الحبـو دفـن
في قلوب فرسان ليهو بنركن
لي الفِي الهُرُّب بسو نشلاً
شرع كتبو .. في القوم قنصن
ــ ــ ــ
خيولو الغر .. في المحاص حبكن
في جوف الليل .. لبحور وردن
شمال وجنوب .. شروق غرباً
جاب الأسلوب .. بالحق كسبن
ــ ــ ــ
بشوف لي بروق في سنون بسمن
بشوف خيرو .. ضوا لي دُجــن
تواضعو الجم .. جانبــو الألين
سلبــلو عقول .. حـيّر وفتـن
ــ ــ ــ
..................
وصلن زمان في الميس حرسن
مدافع الحق للضلال هرسن
شوف الأباطيل جرن ترسن
ــ ــ ــ
ود لطفي جهول .. وليَّ زمن
شبكي وجباد في السّار كرنن
أسال لي كريم .. للقلوب رحمن
إكسيني الحق .. بيهو اتقفطن
ــ ــ ــ
صلوات الله .. ما انقطعن
لا سؤال لي منو .. لا كيف لا عن
واصلا الأمين بـِسـوحو رعــاً
وأضوق لبن .. العاتم ضرعاً .
