فإن ثورة أكتوبر لم تمت، ولا تزال نارها تضطرم، ولكن غطى عليها ركام من الرماد.. فنحن نريد أن تتولى رياح الفكر العاصف بعثرة هذا الرماد.. حتى يتسعر ضرام أكتوبر من جديد، فتحرق نارها الفساد، ويهدي نورها خطوات الصلاح..

الأستاذ محمود محمد طه - كتاب (لا إله إلا الله)


كتابات حول فكر ومواقف الحركة الجمهورية

قصائد تمجد الموقف

موقع الفكرة

قصائد كتبها بعض الشعراء لتمجيد مواقف الأستاذ محمود محمد طه

قصيدة بمناسبة الذكرى 32 للاستاذ


عبدالمنعم عباس



قريت النصوص ومشيت
جاوزت مبناها

بى يقينك المبذول
وسعّت معناها

عن سنة المعصوم
ارسيتو مرساها

جيت بى القديم وجديد
محمود ولد طه

2

ودعيت بوعى شفيف
ل الاشتراكية

وقلت الحكم فى الاصل
لى الناس سواسية

عشان يطلع المولود -
عدالة اجتماعية

نور فكرتك ممدود
من روح سماوية

3

باب دعوتك قايم
مفتوح على القيوم

اس الامر كلو
تقليدنا لى المعصوم

فى عبادتو فى عادتو
وفى نصرة المظلوم

وكتابنا نفهمو لو
بى الليل عزمنا نقوم

4

صلاتك انت براك
صلتك مع الله

هذا الكلام بالذات
بس بفهمو القلة

علم اليقين بالله
غمر الفؤاد حلّ

جاهل اكيد من قال
محمود دا ما صلى

5

الليله - دام فضلك -
بنعاود الذكرى

يامن فتحت الباب
لى الجاى من بكرة

وزرعت فينا بذور
اتفتحت زهرة

ليك السلام الاف
يا صاحب الفكرة