دالي: يا شيخ محمد الحسن في كتاب اسمو منشورات المهدية هل سمعت بيهو؟
الشاهد: لا
دالي: آيه رأيك لو قلنا ليك المهدي في الكتاب دا بسمي القضاة الشرعيين علماء السوء؟
الشاهد: لا أعلم.
دالي: يا شيخ محمد الحسن إنت قلت إنو الشريعة ما قايمة. هل ممكن يقال للحاكم الما مقيم الشريعة أنو الدين أمانة في عنقه؟
الشاهد: الدين أمانة في عنق كل حاكم.
القاضي: يقصد: هل هو أهل لأن يكون الدين أمانة في عنقه؟
الشاهد: ما أهل لأن يكون الدين أمانة في عنقه.
دالي: هل بتعرف الخواض الشيخ؟
الشاهد: نعم أعرفه.
دالي: هل بتعرف أنو أرسل برقية للحكومة قال فيها انو ديَّنا أمانة في اعناقكم؟
الشاهد: أعرف.
دالي: "الدقن" هل هي سنة عادة أم سنة عبادة؟
الشاهد: السؤال خطأ لأنو حكم الشرع، إبقاء الدقن واجب وليس سنة.
دالي: الما بعمل دقن حكمو شنو؟
الشاهد: مسلم عاصي
دالي: هل تعلم أنو شيخ ابراهيم جاد الله ما عندو دقن؟
الشاهد: أعتقد عندو دقن بسيطة.
دالي: ما رأيك في الاختلاط؟
الشاهد: الاختلاط في الحدود التي بينها الشرع ويكون فيهو الحشمة والاختلاط في الضرورة جائز.
دالي: هل بتعرف الأمين داؤود صاحب الكتاب ده؟
الشاهد: قريت الكتاب لكن ما كلو.
دالي: (يقرأ من الكتاب) "روى أبو داؤود عن أبي اسيد قال: قال: رسول الله صلى الله عليه وسلم، وهو خارج من المسجد وقد اختلط الرجال بالنساء: "استأخرن فليس لكن أن تحققن الطريق. عليكن بحافات الطرق. فكانت المرأة تلصق بالجدار حتى أن ثوبها ليعلق بالجدار من لصوقها به" هل ده رأي الشريعة؟
الشاهد: ده موقف معين.
دالي: رأي الشريعة أنو الرجال والنساء لا يختلطوا ولو كانوا في المسجد.
الشاهد: في الجامع إمكن يكون النساء في الصفوف الخلفية والرجال في الصفوف الأمامية.
القاضي: إذا في ساتر.
الشاهد: حتى من غير ساتر. إذا في مكان بعيد.
القاضي: تقصد بالاختلاط وجود الرجال والنساء مع بعض؟
الشاهد: الاختلاط هو اللخبطة. لكن يجوز يكون الرجال والنساء في مكان واحد. إذا ما في التصاق.
دالي: مثلاً طلبة وطالبات المدارس في مدرج واحد ده شريعة ولا ما شريعة؟
الشاهد: طبعاً ما من الشريعة لكن دا ضرورة والضرورة ليها أحكام.
دالي: شريعة ولا ما شريعة؟
الشاهد: للضرورة.
دالي: "دخل ابن أم مكتوم على رسول الله صلى الله عليه وسلم ومعه زوجاته فقال لهن احتجبن. قلن: انه أعمى يا رسول الله. قال: أعمياوات أنتن؟"
الشاهد: ده خاص بنساء النبي عند بعض العلماء وليس عند كل العلماء.. فمنهم من يجعل نساء المؤمنين كنساء النبي.
دالي: رأيك إنت شنو؟
الشاهد: إذا بدون شهوة يمكن أن ينظر الرجل للمرأة. يسأل بأدب وتجيب المرأة بأدب.